الصحافة تتحدث من جديد عن شواء عين ولمان
تحدثت جريدة الفجر في العدد الصادر يوم 22 جويلية 2009 عن شواء عين ولمان وعن الشهرة التي نالها داخل وخارج الوطن. كما أشارت الجريدة إلى المبادرة التي قامت بها السلطات المحلية والمتمثلة في مسابقة المشواة الذهبية وعن الارتباط الوثيق بين اسم عين ولمان والشواء اللذيذ.الرابط نحو التقرير هنا
13 تعليقات:
راكم هبلتونا بالشواء هدا دقول عين ولمان فيها غير شواء c'est bon فوتونا لحاجة وحدة
لماذا لا تتحدث عن القمامة والغبار والأوساخ
اليوم اللي تصبح عندكم ثقافة النظافة و البيئة في هذاك الوقت أهدروا على عين ولمان التي تبقى مع الأسف الشديد مدينة قذرة مدينة قذرة
وش بيكم يا جماعه وش فيها كي نفرحو بمدينتنا والحاجه المليحة فيهامشهورين باشواء نقولوها ونعاودوها
لاه المدن كامل راهي مثالية عندنا الغبار والوسخ وينراه المشكل بشويا بشويا يرحو
تعرفو غير تهبطو المورال وتتمسخرو
يخي عباد يخي
كي تستعرف بلي كاين لوسخ و الغبار و دقول واش فيها انا نضن c'est grave !!!!!!!!
هدا نقاش يا اخي العزيز يجب ان تتقبل افكار و اطرحات الغير انت ترى عين ولمان في الشواء و نحن نرى عين ولمان في الزدهار و النضافة و المان و مساحات جميلة و مساكن راقية و احياء تشبه الحياء الحقيقية على الأقل عندما نأكل الشواء نأكله و نحن في احسن الأحوال و عندما يأتون الناس لزيارة المدينة يجدون ما يفرحهم بالمناضر و النضافة و ليس العكس
عليك حدف عبارة "يخي عباد يخي" ليست في محلها
في عين ولمان يعرفوا ينظفو غير الشارع الرئيسي وأي نظافة أما الالشوارع الاخرى مثل المدخل الجنوبي للمدينة جامي شفنا ينظفو فيها وكذلك جهة السبيطار....واش نقولكم عين ولمان مدينة قذرة شوفو صالح باي الله يبارك
اسمحونا اذا ديرونجيناكم بالتعليق
ونقلكم حاجة لوكان كان المقال على سطيف والا العلمة والا بلاصة اخرى كنتو تقولو ماشاء الله مش تسبو
عمركم شفتو واحد يسب بلادو؟؟؟؟ غير حنا برك
يا عجابة ولاد صالح باي يحسبو فيها حاجة وعندهم الحق مي حنا حاقرين عين ولمان على بيها الناس حاقرينا
ربي يهدينا كامل
واسمحونا
السلام عليكم
الى المشرف عن الموقع هناك اخ من نقاوس طلب منكم المساعدة في ايجاد معلومات عن شهيد و لكن لا حياة لمن تنادي على الأقل حاولوا ان تبدو بعض الأهتمام بالأشخاص من خارج عين ولمان لأعطاء انطباع جيد عن المدينة و أهلها و دلك بمساعدته و لو بكلمة طيبة بدل الأشهار للشواء !!!!!!
السلام عليكم.
نذكر زوار الموقع الكرام، بأن الأخبار والتعليقات المنشورة في الموقع هي من صنع الزوار بذاتهم وليست من صنع المشرفين على الموقع. فالكل مدعو لنشر الأخبار، والكل مدعوا للتعليق على الأخبار المنشورة. عملنا الوحيد هو الاشراف على نشر ومراقبة التعليقات.
مشكور يا اخي المشرف على هته الحرية الممنوحة و الثقة في ناس عين ولمان فقط التعليقات التي يراها البعض سبان و شتيمة انا اراها نقد بناء و ايجابي لكي نطور ما لدينا و ننبه لما نفتقده لا غير و ادا كتبنا و شكرنا كل شئ كيف نتقدم و نزدهر ???? و الله يعلم كم هي نيتنا في ان نرى عين ولمان مدينة بمقاييس عالمية و لكن في جميع الميادين و التوعية ضرورية لدلك علينا بصفتنا من السكان ان ننبه لمل هو سلبي فقط ولا غير و البقية من عمل المسؤولين
وفقنا الله لما فيه خير للبلاد و العباد
عين ولمان هايلة بصح انا حابتها تبقى تابعة لسطيف
إرسال تعليق